बागमती प्रदेश लोकसेवा आयोगको अध्यक्षमा श्रेष्ठ

हेटौंडा,कात्तिक ५ । बागमती प्रदेश लोकसेवा आयोगको अध्यक्षमा महेश्वर श्रेष्ठ नियुक्त भएका छन् ।

बागमती प्रदेश प्रमुख दीपकप्रसाद देवकोटाले आइतबार श्रेष्ठलाई प्रदेश लोकसेवा आयोग ऐन, २०७६ को दफा ३ को उपदफा १ बमोजिम गठित सिफारिस समितिको सिफारिसमा दफा ४ को उपदफा ४ बमोजिम अध्यक्ष पदमा नियुक्त गरेको हो । 

त्रिवेणी गाउँपालिका–१, नवलपरासी निवासी श्रेष्ठ लुम्बिनी प्रदेशको बुटवलस्थित स्वास्थ्य तालिम केन्द्रको निर्देशक पदमा कार्यरत थिए । 

पटक–पटक सरकार परिवर्तन र सत्तारुढ दलबीच सहमति हुन नसक्दा सात महीनादेखि आयोगको अध्यक्ष नियुक्ति रोकिएको थियो । रासस