सुनको भाउ हालसम्मकै उच्च बिन्दुमा पुग्यो, कतिमा हुँदैछ किनबेच ?
काठमाडौं,कात्तिक ४ । सुनको भाउ हालसम्मकै उच्च बिन्दुमा पुगेको छ । आइतबार छापावाला सुनको भाउ प्रतितोला १ लाख ६५ हजार रुपैयाँ पुगेको छ । जुन हालसम्मकै उच्च हो ।
नेपाल सुनचाँदी व्यवसायी महासंघका अनुसार आज छापावाला सुनको भाउ तोलामा ६०० रुपैयाँ वृद्धि भएको हो । अघिल्लो दिन अर्थात् गत शुक्रबार १ लाख ६४ हजार ४०० रुपैयाँमा किनबेच भएको थियो ।
साताको पहिलो कारोबार दिन चाँदीको भाउ पनि तोलामा ९५ रुपैयाँ वृद्धि भएको छ । योसँगै आज चाँदीको भाउ प्रतितोला २ हजार ७५ रुपैयाँ कायम भएको छ ।
चाँदीको भाउ पनि हालसम्मकै उच्च बिन्दुमा पुगेको हो । गत शुक्रबार भने चाँदी १ हजार ९८० रुपैयाँ कायम भई खरिदबिक्री भएको थियो ।