सुनको मूल्य हालसम्मकै उच्च, तोलाको कति पुग्यो मूल्य ?

काठमाडौं,असोज ३०। नेपाली बजारमा सुनको मूल्यले फेरि नयाँ रेकर्ड बनाएको छ । बुधबार सुनको मुल्य हालसम्मकै उच्च प्रतितोला १ लाख ६१ हजार ८ सय रुपैयाँमा कारोबार भएको छ ।

नेपाल सुनचाँदी व्यवसायी महासंका अनुसार आज सुन प्रतितोला १३०० रुपैयाँ बढेको हो । मंगलबार १ लाख ६० हजार ५ सय रुपैयाँमा कारोबार भएको थियो ।

त्यसैगरी, यो दिन चाँदीको मूल्य २५ रुपैयाँले बढेको छ । चाँदीको मूल्य प्रतितोला १ हजार ९ सय ५० रुपैयाँमा कारोबार भइरहेको छ । अघिल्लो कारोबार दिन चाँदी १ हजार ९ सय २५ रुपैयाँमा कारोबार भएको थियो ।