सुनसरी भोक्राहामा पोखरीमा डुबेर एकको मृत्यु

सुनसरी,असोज २५ । सुनसरीको भोक्राहा नरसिंह गाउँपालिका-८ मा पोखरीमा डुबेर एक जनाको मृत्यु भएको छ । जुट धुन पोखरीमा पसेको बेला भोक्राहा नरसिंह गाउँपालिका-८ का ५० वर्षीय मुस्तुफ अन्सारीको पोखरीमा डुबेर मृत्यु भएको हो ।

स्थानीय पत्यक्षदर्शी तजमुल हुसेनका अनुसार जुट धुन पोखरीमा पसेको बेला डुबेर मृत्यु भएको थियो । पोखरीमा पसेको र ननिस्केपछि खोजी गर्दा अन्सारी जुटसँगैं पानीमा मृत फेला परेको जिल्ला प्रहरी कार्यालय सुनसरीले जनाएको छ ।

मृतकको शव पोष्टमार्टमका लागि सुनसरी जिल्ला अस्पातल इनरुवामा राखिएको छ ।