नुवाकोटमा बस दुर्घटना, चालक घाइते

नुवाकोट,असोज २४ । नुवाकोटमा बस दुर्घटना भएको छ ।जिल्लाको विदुर नगरपालिका वडा नम्बर १० को गैरीखर्कमा बस ब्रेक फेल भई दुर्घटना भएको हो ।

गैरीखर्कबाट त्रिशुलीतर्फ आइरहेको बा २ ख ६४३२ नम्बरको गाडी सडकबाट ५० फिट तल खसेर दुर्घटना भएको जिल्ला प्रहरी कार्यालय नुवाकोटले जनाएको छ ।

दुर्घटनामा बसका चालकको घुडामा चोट लागेर घाईते भएका छन् । बसमा चालकवाहेक अन्य यात्रु नरहेको बताइएको छ । बस काठमाडौतर्फ रिजर्भ यात्रु लिन जान लागेको बुझिएको छ ।