निरन्तर ओरालो लाग्दै सुनको मूल्य, कतिमा हुँदैछ कारोबार ?

काठमाडौं,असोज २३ । आज (बुधबार) पनि सुनको घटेको छ । आज सुनको मूल्य प्रतितोला १००० रुपैयाँले घटेर १ लाख ५९ हजार १०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

मंगलबार छापावाल सुन प्रतितोला १ लाख ६० हजार १०० रुपैयाँ कायम रहेको थियो । यसअघि आइतबार, सोमबार र मंगलबार सुनको भाउ क्रमशः प्रतितोला ३००, ५०० र ४०० रुपैयाँले घटेको थियो ।

आज चाँदीको भाउ पनि तोलामा ४० रुपैयाँले घटेर १९ सय रुपैयाँ कायम भएको छ । मंगलबार चाँदीको भाउ प्रतितोला १९ सय ४० रुपैयाँ कायम रहेको थियो ।