थानापती महिला साना किसान सहकारी संस्था लिमिटेडको साधारण सभा सम्पन्न

नुवाकोट,असोज २० । थानापती महिला साना किसान सहकारी संस्था लिमिटेडको आठौं साधारण सभा सम्पन्न भएको छ ।

जिल्लाको शिवपुरी गाउँपालिका वडा नम्बर ८ थापागाउँमा  रहेको थानापति महिला साना किसान सहकारी संस्था लिमिटेडको साधारण सभा गाउँपालिका अध्यक्ष गोबिन्दप्रसाद थपलिया को प्रमुख आतिथ्यता तथा उपाध्यक्ष वीरबहादुर तामाङ को विशेष उपस्थितिमा आइतबार सम्पन्न भएको हो।

कार्यक्रममा वडा नम्बर ८ का अध्यक्ष केशवप्रसाद रिजाल, वडा सदस्यहरु तथा सहकारीका सदस्यहरु को उल्लेख्य सहभागिता रहेको थियो । थानापती महिला सानाकिसान सहकारी का अध्यक्ष कमला थपलिया को सभापतित्वमा कार्यक्रम भएको थियोे ।