सुनको भाउ घट्यो, चाँदीको बढ्यो

काठमाडौं,असोज २०। सुनको मूल्यमा गिरावट आएको छ । आइतबार छापावाला सुनको भाउ तोलामा ३०० रुपैयाँ घटेको हो ।

साताको पहिलो कारोबार दिन सुनको भाउ १ लाख ६१ हजार रुपैयाँ कायम भएको छ । नेपाल सुनचाँदी व्यवसायी महासंघका अनुसार अघिल्लो दिन भने १ लाख ६१ हजार ३०० रुपैयाँमा किनबेच भएको थियो । जुन हालसम्मकै उच्च हो । गत शुक्रबार कीर्तिमानी उचाई कायम गरेको सुनको भाउ आज भने केही सस्तिएको छ ।

यता, चाँदीको भाउ भने वृद्धि भएको छ । आज चाँदी तोलामा ५ रुपैयाँ बढेर १ हजार ९८५ रुपैयाँ कायम भएको छ । अघिल्लो दिन भने १ हजार ९८० रुपैयाँमा किनबेच भएको थियो ।