छहरे-टोखा दुर्घटना अपडेट: मृत्यु १ जना, घाइते ५ जना (विवरणसहित )
नुवाकोट,असोज १९ । छहरे-टोखा सडकखण्ड अन्तर्गत शिवपुरी गाउँपालिका वडा नम्बर ८ स्थित काफलडाडा मोडमा हाइलक्स गाडी दुर्घटना भएको छ ।
दुर्घटनामा गम्भीर घाइते तार्केश्वर नगरपालिका मनमैजु बस्ने वर्ष ५८ का उपेन्द्र खनालको मृत्यु भएको छ ।
दुर्घटनामा ५ जना घाइते भएका छन् । घाइते हुनेमा तार्केश्वर नगरपालिका मनमैजु वर्ष ४६ को विश्वनाथ अधिकारी, वर्ष ५२ को रामशरण अधिकारी, वर्ष ४६ की हरिकला खनाल, वर्ष ५१ की गायत्री खनाल, नागर्जुन नगरपालिकाका वर्ष ६३ का चन्द्रनाथ शर्मा रहेका छन् । घाइतेको ग्राण्डी अन्तर्राष्ट्रिय अस्पतालमा उपचार भैरहेको जिल्ला प्रहरी कार्यालय नुवाकोटले जनाएको छ ।
गाडी शनिबार बिहान ७:५५ बजे सडकबाट ५० फिट तल खसेको थियोे । गाडी हाइड्रोपावरको भएको र यस सडकखण्ड हुँदै लमजुङतर्फ जान लागेको बुझिएको छ।