नुवाकोट पञ्चकन्याको घ्याङस्वारामा दसैंमा फुटबल प्रतियोगिता हुने
नुवाकोट,असोज १७ । जिल्लाको पञ्चकन्या गाउँपालिका वडा नम्बर ४ स्थित घ्याङस्वारा पार्कमा दसैंमा फुटबल प्रतियोगिता हुने भएको छ ।
जिल्लाको पञ्चकन्यामा रहेको थ्री स्टार युथ क्लबले सो वडास्तरीय प्रतियोगिताको आयोजना गर्न लागेको क्लबका सचिव सन्तोष थापा (सम्भव)ले बताए । ‘स्वास्थ्यका लागि खेलकुद राष्ट्रको लागि खेलकुद’ भन्ने नाराका साथ २०७९ सालमा स्थापित यस क्लबले असोज २३ र २४ गते दुई दिन प्रतियोगिता गर्न लागेको हो ।
प्रतियोगितामा सहभागी हुन चाहनेले यही असोज २१ गतेसम्म नाम दर्ता गराउन सकिनेछ । टिम दर्ता शुल्क ३००० साथै एलो कार्डलाई रु. २५० र रेड कार्डलाई ५०० जरिवाना गरिने क्लबको नियम रहेको छ ।
विजेतालाई पुरस्कार नगद, खसी, बोका, कप, मेडल र प्रमाणपत्र रहेको छ । प्रतियोगिता उद्घाटन गाउँपालिकाका अध्यक्ष तेजबहादुर तामाङले गर्ने कार्यक्रम तय गरिएको छ ।