छहरे-टोखा सडकखण्ड अन्तर्गत थानापतिमा जनकपुरतर्फ जाँदै गरेको गाडी दुर्घटना
नुवाकोट,असोज १४ । छहरे-टोखा सडकखण्ड अन्तर्गत शिवपुरी गाउँपालिका ८ थानापतिमा जनकपुरतर्फ जाँदै गरेको गाडी नालीमा खसेर दुर्घटना भएको छ ।
सोमबार दिउँसो काठमाण्डौबाट टोखा-छहरे बाटो भई जनकपुर तर्फ जादै गरेको युपि ६५ एनटी ०२३४ नम्बरको फोर्स हाईस गाडी दुर्घटना भएको हो ।
गाडीका सबै यात्रु सकुशल रहेको छहरे अस्थायी प्रहरी पोस्टले जनाएको छ । पछिल्लो समय पृथ्वी राजमार्ग पहिरोका कारण अबरुद्ध भएपछि यस सडक खण्ड हुँदै सवारीसाधन चलिरहेकाले दुर्घटना बढेको प्रहरीले जनाएको छ ।
सोमबार नै छहरे-टोखा सडकखण्डको बोहोरे खोला नजिकै पोखरा जाँदै गरेको माइक्रो दुर्घटनामा परेको थियोे । दुर्घटनामा १८ यात्रु घाइते भएका थिए ।