सुनको मूल्यमा सामान्य गिरावट, चाँदीको पनि घट्यो

काठमाडौं,असोज १४ । सुनको भाउ घट्न थालेको छ । सोमबार पनि छापावाला सुनको भाउ प्रतितोला १०० रुपैयाँ घटेको हो ।

नेपाल सुनचाँदी व्यवसायाी महासंघका अनुसार आइतबार १ लाख ६० हजार ६०० रुपैयाँमा किनबेच भएको थियो । तर, आज घटेर १ लाख ६० हजार ५०० रुपैयाँ कायम भएको छ । गत शुक्रबार भने १ लाख ६१ हजार २०० रुपैयाँ पुगेर कीर्तिमानी उचाई बनाएको थियो । तर, त्यसपछि भने सामान्य गिरावट आएको छ।

यस्तै, साताको दोस्रो कारोबार दिन चाँदीको भाउ पनि घटेको छ । आज चाँदी तोलामा ५ रुपैयाँ घटेर १ हजार ९४० रुपैयाँ कायम भएको छ । आइतबार भने १ हजार ९४५ रुपैयाँ कायम भएको थियो ।