नयाँ उचाईमा सुनको भाउ, फेरि बनायो कीर्तिमानी रेकर्ड

काठमाडौं,असोज ७ । सुनको भाउले पुनः ऐतिहासिक रेकर्ड कायम गरेको छ । आइतबार १ लाख ५८ हजार ८०० रुपैयाँ पुगेर कीर्तिमानी रेकर्ड बनाएको थियो ।

तर, आज फेरि छापावाला सुनको तोलामा ४०० रुपैयाँ वृद्धि भई १ लाख ५९ हजार २०० रुपैयाँ पुगेको छ । यो नै हालसम्मकै उच्च हो ।

नेपाल सुनचाँदी व्यवसायी महासंघका अनुसार चाँदीको मूल्य भने स्थिर छ । आज चाँदी तोलामा १ हजार ९२० रुपैयाँ कायम भएको हो । सोमबार पनि सोही मूल्यमा खरिदबिक्री भएको थियो ।