ऐतिहासिक रेकर्डबाट तल झर्यो सुनको मूल्य, आज प्रतितोला कति ?

काठमाडौं,भदौ २७ । सुनको भाउ सामान्य घटेको छ । बुधवार कीर्तिमानी रेकर्ड कायम गरेको सुनको मूल्य आज तोलामा १०० रुपैयाँ घटेको हो ।

नेपाल सुनचाँदी व्यवसायी महासंघका अनुसार आजका लागि छापावाला सुनको भाउ १ लाख ५३ हजार ३०० रुपैयाँ तोकिएको छ । अघिल्लो दिन भने १ लाख ५३ हजार ४०० रुपैयाँ पुगेको थियो । जुन हालसम्मकै उच्च हो ।

साताको पाँचौं कारोबार दिन चाँदीको मूल्यमा पनि बढोत्तरी देखिएको छ । आज चाँदी तोलामा १५ रुपैयाँ वृद्धि भई १ हजार ७९५ रुपैयाँ कायम भएको छ । बुधवार भने १ हजार ७८० रुपैयाँमा किनबेच भएको थियो ।