सुनको भाउ हालसम्मकै उच्च बिन्दुमा, प्रतितोला कति पुग्यो ?

काठमाडौं,भदौ २६ । सुनको भाउ हालसम्मकै उच्च बिन्दुमा पुगेको छ । बुधवार एकै दिन तोलामा एक हजार रुपैयाँ वृद्धि भएको छ ।

योसँगै नेपाली बजारमा छापावाला सुनको भाउ १ लाख ५३ हजार ४०० रुपैयाँ पुगेको छ । जुन हालसम्मकै उच्च हो । नेपाल सुनचाँदी व्यवसायी महासंघका अनुसार अघिल्लो दिन भने १ लाख ५२ हजार ४०० रुपैयाँमा किनबेच भएको थियो । यसअघि १ लाख ५३ हजार ३०० रुपैयाँ पुगेर ऐतिहासिक रेकर्ड कायम गरेको थियो ।

यस्तै, साताको चौंथो कारोबार दिन चाँदीको मूल्य भने तोलामा २५ रुपैयाँ वृद्धि भएको छ । योसँगै आजका लागि १ हजार ७८० रुपैयाँ कायम भएको छ ।