झोरमा तीज गीत प्रतियोगिता सम्पन्न
टोखा,भदौ २१ । तीजको अवसरमा टोखा नगरपालिका वडा नम्बर १ झोरमा तीज गीत प्रतियोगिता सम्पन्न भएको छ ।
शुक्रबार झोरस्थित त्रिवेणी सदन अङ्ग्रेजी आवासीय माध्यमिक विद्यालयको प्राङ्गणमा कार्यक्रम सम्पन्न भएको हो।
टोखा नगरपालिका वडा नम्बर १ मा रहेको सेतुबन्धु भजन समूहद्वारा आयोजित प्रतियोगितामा झोरको गङ्गा समूह प्रथम भएको छ भने दोस्रो शान्ता समूह र तेस्रो लक्ष्मी समूह भएको छ ।
प्रतियोगितामा उत्कृष्ट समूह प्रथम, दोस्रो र तेस्रोले नगद १० हजार, ७ हजार र ५ हजारसहित प्रमाणपत्र प्राप्त गरेका छन् । विजेता समूहलाई टोखा नगरका प्रमुख प्रकाश अधिकारले नगद पुरस्कारसहित सम्मान गरेका हुन् ।
कार्यक्रममा टोखा नगरपालिकाका मेयर प्रकाश अधिकारी, उपमेयर मुरारी तामाङ, प्रमुख प्रशासकीय अधिकृत शेरबहादुर बिसी, वडा अध्यक्ष रमेशकुमार लामिछाने, पूर्व वडा अध्यक्ष श्रीकृष्ण अधिकारी, रास्वापाका सुमन धिताल लगायतको प्रमुख उपस्थिति रहेको थियोे । कार्यक्रम राष्ट्रिय स्तरका कलाकार बिजय बानियाँ, सीता केसी, शीला लामा र सुदर्शन अधिकारीको प्रस्तुति रहेको थियोे ।
भिडियो हेर्नुस्