सस्तियो सुनचाँदीको भाउ, आज कतिमा हुँदैछ खरिदबिक्री ?

काठमाडौं,भदौ ७। साताको अन्तिम कारोबार दिन सुनको भाउ सस्तिएको छ । आज नेपाली बजारमा छापावाला सुनको तोलामा ५०० रुपैयाँ घटेको हो ।

अघिल्लो दिन अर्थात् बिहीबार १ लाख ५१ हजार ९०० रुपैयाँमा खरिदबिक्री भएको थियो । तर, आज भने घटेर १ लाख ५१ हजार ४०० रुपैयाँ तोकिएको नेपाल सुनचाँदी व्यवसायी महासंघले जनाएको छ ।

महासंघका अनुसार शुक्रबार चाँदीको मूल्यमा पनि गिरावट आएको छ । आज चाँदी तोलामा १५ रुपैयाँ घटेर १ हजार ८१५ रुपैयाँ कायम भएको छ ।