ऐतिहासिक रेकर्डबाट तल झर्यो सुनको भाउ, चाँदीको मूल्य पनि घट्यो

काठमाडौं,भदौ ६ । सुनको भाउ ह्वात्तै घटेको छ । बुधवार कीर्तिमानी रेकर्ड कायम गरेको छापावाला सुनको मूल्य बिहीबार भने घटेको छ ।

आज एकैदिन तोलामा १ हजार १०० रुपैयाँ घटेको हो । योसँगै आजका लागि १ लाख ५१ हजार ९०० रुपैयाँ कायम भएको छ । अघिल्लो दिन भने १ लाख ५३ हजार रुपैयाँ पुगेको छ । जुन हालसम्मकै उच्च हो ।

यस्तै, साताको पाँचौं कारोबार दिन चाँदीको मूल्य पनि घटेको छ । आज चाँदी तोलामा ५ रुपैयाँ घटेर १ हजार ८३० रुपैयाँ कायम भएको छ । बुधवार भने १ हजार ८३५ रुपैयाँमा खरिदबिक्री भएको थियो ।