छहरे-टोखा सडकमा गाडी दुर्घटना

नुवाकोट,भदौ ५ । छहरे-टोखा सडकखण्ड अन्तर्गत बोहोरे खोला नजिकैको मोडमा गाडी दुर्घटना भएको छ ।

लमजुङबाट काठमाडौ जादै गरेको AA ०१०६ नम्बरको हाइस गाडी बुधबार साँझ ब्रेक फेल भएर दुर्घटना भएको गुर्जेस्थित अस्थायी प्रहरी पोस्टले जनाएको छ ।

गाडीमा १४ जना यात्रु रहेको र सबै यात्रु सकुशल रहेको प्रहरीले जनाएको छ । गाडी भीरको टुप्पोमा अड्किएर रहेको र निकाल्ने प्रयास भैरहेको प्रहरीले जनाएको छ ।