सुनको मूल्य घट्यो, चाँदीको बढ्यो

काठमाडौं,भदौ ४ । साताको तेस्रो कारोबार दिन सुन मूल्यमा गिरावट आएको छ । आज छापावाला सुनको भाउ तोलामा १०० रुपैयाँ घटेको छ ।

अघिल्लो दिन अर्थात् सोमबार १ लाख ५२ हजार ३०० रुपैयाँमा कारोबार भएको थियो । तर, आज घटेर १ लाख ५२ हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

महासंघका अनुसार आज चाँदीको मूल्य भने बढेको छ । आज चाँदी तोलामा १० रुपैयाँ बढेर १ हजार ८२० रुपैयाँ पुगेको छ। सोमबार भने १ हजार ८१० रुपैयाँमा खरिदबिक्री भएको थियो ।