कीर्तिमानी उचाईबाट झर्यो सुनको भाउ, प्रतितोला कति घट्यो ?

काठमाडौं,भदौ ३ । सुनको मूल्यमा गिरावट आएको छ । आइतबार कीर्तिमानी रेडर्क कायम गरेको छापावाला सुनको भाउ सोमबार भने घटेको हो ।

आज नेपाली बजारमा छापावाला सुनको मूल्य तोलामा ३०० रुपैयाँमा घटेको छ । नेपाल सुनचाँदी व्यवसायी महासंघका अनुसार आजका लागि १ लाख ५२ हजार ३०० रुपैयाँ कायम भएको छ । अघिल्लो दिन भने १ लाख ५२ हजार ६०० रुपैयाँ पुगेको थियो । जुन हालसम्मकै उच्च हो ।

साताको दोस्रो कारोबार दिन चाँदीको मूल्यमा भने कुनै घटबढ भएको छैन । चाँदीको भाउ स्थिर अर्थात् १ हजार ८१० रुपैयाँ कायम भएको छ। अघिल्लो दिन पनि सोही मूल्य कायम भई खरिदबिक्री भएको थियो ।