सुनको मूल्यमा रेकर्ड ब्रेक, डेढ लाख नाघ्यो!

काठमाडौं, साउन २९ । नेपाली बजारमा मूल्य हाल सम्मकै उच्च भएको छ । आज सुनको मूल्य तोलामा २ हजार १०० रुपैयाँले बढेर हालसम्मकै उच्च भएको हो ।

नेपाल सुनचाँदी व्यवसायी महासंघका अनुसार आज सुनको मूल्य तोलाको १ लाख ५० हजार ८०० रुपैयाँमा कारोबार भइरहेको छ ।

अघिल्लो दिन सुनको मूल्य तोलाको १ लाख ४८ हजार ७०० रुपैयाँमा कायम थियो ।यसैगरी, आज चाँदी तोलाको १ हजार ७४० रुपैयाँमा कारोबार भइरहेको छ ।