सक्कीगोनीका प्रहरी नेपाल प्रहरीको फन्दामा
काठमाडौ,साउन २७ । तास खेलिरहेको अवस्थामा प्रहरीले शनिबार काठमाडौंबाट कोशी प्रदेशका मन्त्री र कलाकारसहित ९ जनालाई पक्राउ गरेको छ । काठमाडौं प्रहरी परिसरको टोलीले गौरीघाटमा तास खेलिरहेको सूचनाका आधारमा छापा मारेको थियो ।
पक्राउ पर्नेमा कोशी प्रदेशका पूर्वमन्त्री बुद्धीकुमार राजभन्डारी र कलाकार पुरुषोत्तम शर्मासहित ९ जना छन् । शर्मा टेली शृंखला ‘सक्किगोनी’ का कलाकार हुन् ।
सोलुखुम्बुको सोताङ गाउँपालिकाका पूर्वअध्यक्ष वीरबहादुर तामाङ पनि पक्राउ परेका छन् ।
जुवाखालबाट करिब एक लाख ५० हजार रूपैयाँ नगद र १६ बुक तास बरामद गरेको छ । गौशाला प्रहरी वृत्तले थप अनुसन्धान गरिरहेको छ ।