सुनको मूल्य बढ्यो, चाँदीको घट्यो, आज कतिमा हुँदैछ किनबेच ?

काठमाडौं,साउन २४ । सुनको मूल्य वृद्धि भएको छ । साताको पाँचौ कारोबार दिन छापावाला सुनको भाउ तोलमा ३०० रुपैयाँ बढेको हो । आजका लागि सुन प्रतितोला १ लाख ४६ हजार ६०० रुपैयाँ कायम भएको छ ।

नेपाल सुनचाँदी व्यवसायी महासंघका अनुसार बुधवार भने छापावाला सुन १ लाख ४६ हजार ३०० रुपैयाँ खरिदबिक्री भएको थियो ।

यस्तै चाँदीको भाउ तोलामा २० रुपैयाँले घटेको छ। बुधबार चाँदी प्रतितोला १ हजार ७१० रुपैयाँमा कारोबार भएको थियो । तर, बिहीबार चाँदी भने प्रतितोला १ हजार ६९० रुपैयाँमा खरिदबिक्री भइरहेको महासँघले जनाएको छ।