नुवाकोटमा एयर डाइनेस्टीको हेलिकोप्टर दुर्घटना

काठमाडौं, साउन २३। नुवाकोटको शिवपुरी गाउँपालिका–७ मा हेलिकोप्टर दुर्घटना भएको छ ।

त्रिभुवन विमानस्थल स्रोतका अनुसार हेलिकप्टर १ बजेर ५४ मिनेटमा काठमाडौंबाट उडेको थियो ।

हेलिकप्टर नुवाकोटको सूर्यचौर भन्ने स्थानपछि सम्पर्कमा नआएको बताइएको छ । दुर्घटनास्थलमा चार वटा शव फेला परेको बताइएको छ ।

हेलिकप्टरमा ४ जना चाइनिज नागरिक र १ जना नेपाली पाइलट सवार थिए । थप विवरण आउन बाकी रहेको छ ।