नुवाकोटका पत्रकार कृष्ण थापा सम्पर्कविहिन
नुवाकोट,साउन १३ । नुवाकोटका पत्रकार कृष्ण थापा सम्पर्कविहिन भएका छन् । पत्रकार थापा गत जेठ ३० गतेदेखि सम्पर्कविहिन भएको उनका भाइ बिष्णु थापाले बताए ।
दाजु कृष्ण थापाको खोजीका लागि जिल्ला प्रहरी परिसर भद्रकालीमा आइतबार उजुरी दिइएको भाइ विष्णुले साझापथसगको कुराकानीमा बताए ।
‘बिदुरमा रहेको कोठाबाट सबै सरसामान गाडीमा लोड गरेर जेठ ३० गते साँझ निस्किएको देखिन्छ’ भाइ बिष्णुले भने -‘दाइ कहाँ गए, कुन अवस्थामा छन् सबै मिलेर खोजी गरिदिनु पर्यो।’
पत्रकार थापा लामो समयदेखि नुवाकोट/रसुवाबाट कान्तिपुर दैनिकमा संवाददाताको रुपमा कार्यरत थिए । कान्तिपुर पब्लिकेसन्सले कर्मचारी कटौतीसंगै उनी जागिरबाट बाहिरिएका थिए ।
