बढ्यो सुनचाँदीको भाउ, आज प्रतितोला कति पुग्यो ?

काठमाडौं,साउन १३ । साताको पहिलो कारोबार दिन सुनको भाउ वृद्धि भएको छ ।आइतबार नेपाली बजारमा छापावाला सुनको मूल्य तोलामा एक हजार रुपैयाँ वृद्धि भएको हो।

अघिल्लो दिन अर्थात् गत शुक्रबार १ लाख ४४ हजार ७०० रुपैयाँमा खरिदबिक्री भएको थियो । तर, आज बढेर १ लाख ४५ हजार ७०० रुपैयाँ पुगेको छ ।

नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने १ लाख ४५ हजार रुपैयाँ कायम भएको छ ।

यस्तै, चाँदीको मूल्य पनि वृद्धि भएको छ। आज चाँदी तोलामा १० रुपैयाँ बढेर १ हजार ७४० रुपैयाँ कायम भएको छ ।