जहाज दुर्घटना दुर्घटना अपडेट : क्याप्टेनको उद्धार गरी अस्पताल लगियो

काठमाडौं,साउन ९  । सौर्य एअरलायन्सको जहाज दुर्घटनामा परेको स्थानबाट क्याप्टेनको उद्धार गरिएको छ । सौर्यको ९ एन-एएमई/सीआरजे २०० कलसाइनको जहाज बुधबार बिहान दुर्घटनामा परेको हो।

उद्धार गरिएका क्याप्टेन ३७ वर्षीय मनिष शाक्यलाई उद्धार गरिएको विमानस्थल प्रहरी स्रोतले जनाएको छ । उनलाई सिनामंगलको केएमसी अस्पतालमा उपचारका लागि पठाइएको जनाइएको छ ।

जहाजमा लागेको आगो नियन्त्रणमा आएको छ । जहाजमा आगो लागे लगत्तै विमानस्थलभित्र उद्धार टोली र प्रहरी परिचालित भएका थिए ।  जहाजमा चालक दलसहित १९ जना यात्रु रहेको बुझिएको छ ।