ढुंगा लागेर महिलाको मृत्यु
मुगु,साउन २ । बाख्रा चराउन गएकी एक महिलाको ढुंगा लागेर मृत्यु भएको छ । मंगलबार मंगलसेन नगरपालिका ३ लाक्षीमना निवासी ३५ वर्षीया वसन्ती बोगटीको मृत्यु भएको हो ।
सोही वडाको गाध्य भन्ने भीरमा बाख्रा चराएर फर्कने क्रममा माथिबाट झरेको ढुंगा टाउकोमा लागेर घटनास्थलमै उहाँको मृत्यु भएको अछाम प्रहरी प्रमुख इश्वरीप्रसाद भण्डारीले जानकारी दिए ।
मृतकको पोष्टमार्टमको लागि जिल्ला अस्पताल मंगलसेन लगिएको छ । घटनास्थल मंगलसेन–सुवाखाँद–वस्ती सडक खण्ड नजिक रहेको छ ।