बाढी पहिरोलगायतका विपदमा परी हालसम्म एक सय २० जनाको मृत्यु
काठमाडौँ,साउन २ । देशका विभिन्न स्थानमा वर्षापछि आएको बाढी, पहिरो लगायतका विपद्मा परी हालसम्म सय २० जनाको मृत्यु भएको छ । यस्तै, १ सय ३५ जना घाइते भएका छन् । घाइतेहरूलाई उपचारको लागि स्थानीय अस्पताल लगिएको छ ।
अहिलेसम्म विभिन्न स्थानमा ८ जना बेपत्ता भएका छन् । बेपत्ताको खोजी कार्य जारी छ । बाढीको कारण जम्मा १ सय ८२ घर डुबानमा परेका छन् । २ सय १३ वटा घर, ७९ वटा गोठ, ४३ वटा पुल, १ वटा विद्यालय र २ वटा सरकारी कार्यालयमा क्षति पुगेको छ ।
५ सय ८१ वटा पशु चौपायाको मृत्यु भएको छ । उक्त अवधिमा विपद्का घटनाबाट ३ हजार ६ सय ५२ घर परिवार विस्थापित भएका छन् ।