कालिकोटमा चट्याङ लागेर १४ भेडा मरे

कालिकोट,असार ३१ । कालीकोटको खाँडाचक्र नगरपालिकामा चट्याङ लागेर १४ भेंडा मरेका छन । वडा ६ को लेखमा रहेको भेडी गोठमा चट्याङ पर्दा १४ भेडा मरेका हुन् ।

खाँडाचक्र नगर स्थानीय लंक शाही र खम्म शाहीका १४ वटा भेडा मरेको र २० वटा भेडा घाइते भएका छन् । जिल्ला प्रहरी कार्यालय कालीकोटका डिएसपी अर्जुन केसीले भेडा मरेको खबर आएसँगै प्रहरी टोली गएको जानकारी दिए ।

उनले लेखमा रहेको भेडीखर्कमा चट्याङ लागेको बताए । चट्याङले स्थानीय १७ वर्षीय निराजन शाही सामान्य घाइते भएका छन् ।