स्याङ्जामा दुई बालिका पोखरीमा मृत भेटिए
स्याङ्जा,असार ३० । स्याङ्जाको पुतलीबजार नगरपालिका –४ रामकोष स्वारामा रहेको पानीको दह (पोखरी) मा एकै घरका दिदीबहिनी मृत अवस्थामा भेटिएका छन् ।
स्थानीय नरेन्द्रबहादुर थापाका छोरीहरु कक्षा ९ मा अध्ययनरत १४ वर्षीया लक्ष्मी थापा र कक्षा ५ मा अध्ययनरत १२ वर्षीया सुस्मिता थापा मृत अवस्थामा भेटिएको जिल्ला प्रहरी कार्यालय स्याङ्जाका प्रवक्ता प्रहरी नायव उपरीक्षक ईन्द्रबहादुर रानाले जानकारी दिए ।
घरभन्दा पाँचसय मिटर टाढा रहेको कुवामा दिदीबहिनी नुहाउन र कपडा धुन गएको परिवारका सदस्यको भनाइ उद्धृत गर्दै प्रहरीले जनाएको छ । आज दिउँसो भएको घटनाबारे अनुसन्धान भइरहेको प्रहरीले जनाएको छ ।