छहरे-टोखा सडकखण्डमा ठाउँठाउँमा पहिरो, सतर्कता अपनाउन आग्रह

नुवाकोट,असार ३० । जिल्लाको प्रमुख सडकखण्ड छहरे-टोखा सडकखण्डमा ठाउँठाउँमा पहिरो गएको छ ।

गएरातिको अविरल वर्षाका कारण गएको पहिरोले अत्यावश्यकीय सवारीसाधन समेत बीच बाटोमै रोकिएका छन् ।

आइतबार बिहान वर्षा रोकिएपछि सडकखण्डको काफलडाडा र छहरे बजार नजिकैको पहिरो पन्छाउने काम भैरहेको छहरेका स्थानीय युवा प्रकाश डङ्गोलले बताए । उनका अनुसार पहिरो पन्छाउन अझै २ घण्टा लाग्ने बताए । उता छहरे-टोखा सडकखण्डकै ढलानघर नजिकै समेत पहिरो गएको छ ।

वर्षाका कारण पहिरो जतिखेर पनि जानसक्ने भन्दै सतर्कता अपनाउन प्रहरी प्रशासनले अनुरोध गरेको छ ।