नुवाकोटको लिखु खोलाले बगाएर एकजनाको मृत्यु

नुवाकोट,असार २९ । जिल्लाको लिखु खोलाले बगाएर एकजनाको मृत्यु भएको छ । अविरल बर्षाका कारण पानीको सतह बढ्दा खोलाले बगाएर एकजनाको मृत्यु भएको हो ।

गएराती लिखु खोलाले बगाएर पञ्चकन्या गाउँपालिका वडा नं १ आपचौरका अन्दाजी ५५ वर्षीय (टक्जर) भनिने अक्कलबहादुर राईको मृत्यु भएको हो। लिखु खोलाले बगाएको र शब झोलुङ्गे पुल निर्माणस्थल भन्दा केही तल किनारामा भेटिएको स्थानीयले बताएका छन् ।

बिगत २ बर्षदेखि पञ्चकन्या र लिखु जोड्ने झोलुङ्गे पुल निर्माणमा ढिलाइ भएको थियो । अघिल्लो सालनै निर्माण सम्पन हुनुपर्ने पुल निर्माण कम्पनीको ढिलासुस्तीले ढिलाइ भएकोले सर्वसाधारण मर्कामा परेका छन् ।