नुवाकोटका पत्रकार बिष्णु तारुकेलाई ‘राष्ट्रिय पत्रकारिता सम्मान’
नुवाकोट,साउन २८ । नुवाकोटका पत्रकार बिष्णु तारुके ‘राष्ट्रिय पत्रकारिता सम्मानबाट सम्मानित भएका छन् ।अर्थप्रधान अनलाइन ‘अर्थपथ डटकम’का सञ्चालक तथा सम्पादक विष्णु तारुके राष्ट्रिय पत्रकारिता सम्मानबाट सम्मानित भएका हुन् ।
सेलिब्रेटी नेपालले आयोजना दोस्रो विराट म्युजिक एन्ड फिल्म अवार्ड– २०८० को अवसर पारेर आर्थिक पत्रकार तारुकेलाई राष्ट्रिय पत्रकारिता सम्मानबाट सम्मानित गरिएको हो ।
शुक्रबार राजधानीमा आयोजित कार्यक्रममा पूर्वउपप्रधानमन्त्री तथा एमालेका वरिष्ठ उपाध्यक्ष ईश्वर पोखरेलले सो सम्मान प्रदान गरे। तारूके विगत दुई दशकदेखि पत्रकारितामा सक्रिय छन्। प्रेस चौतारी नेपालका केन्द्रीय सचिवसमेत रहेका तारुके नुवाकोटबाट प्रकाशन हुने त्रिशूली प्रवाह साप्ताहिक पत्रिकाका समेत सम्पादक हुन् ।