पृथ्वी राजमार्ग आगामी साउन ९ गतेसम्म दैनिक राती १० बजेदेखि बिहान ३ बजेसम्म बन्द हुने
काठमाडौं,साउन २८ । पृथ्वी राजमार्ग राती १० बजेदेखि बिहान ३ बजेसम्म बन्द हुने भएको छ । नौबिसे मलेखु सकडखण्डमा पर्ने खोलाहरुको पुल मर्मत गनुपर्ने भएकाले राती ५ घण्टा बन्द हुने भएको हो ।
सडक विभागका अनुसार सो सडक खण्डमा पर्ने गणेश खोला, डाङ्डुङ खोला, खेस्टे र पोखरे खोलामा मुल मर्मत गर्न लागिएको छ ।
पुल मर्मत गर्दा यात्रुलाई हुन सक्ने जोखिम तथा यातायात आवागमनमा बाधा हुने देखिएको आगामी साउन ९ गतेसम्म बन्द हुने विभागले जनाएको छ। विभागका अनुसार एम्बुलेन्स र सुरक्षा निकायले प्रयोग गर्ने सवारी साधनलाई भने रोकिने छैन ।
वैकल्पिक मार्गका रुपमा भने गल्छी, विदुर, छहरे र टोखा सडक प्रयोग गर्न विभागले अनुरोध गरेको छ।