पृथ्वी राजमार्ग ५ घण्टा बन्द हुने, छहरे-टोखा सडक प्रयोग गर्न आग्रह

नुवाकोट,असार २६ । पृथ्वी राजमार्ग अन्तर्गत धादिङमा पर्ने  सडक तथा पुल मर्मतका लागि ५ घण्टा बन्द हुने भएपछि छहरे-टोखा सडक प्रयोग गर्न आग्रह गरिएको छ ।

नागढुङा-मुग्लिन सडक योजनाले एक सूचना जारी गर्दै सडक क्षेत्रमा पर्ने विभिन्न पुल निर्माणको चरणमा रहेकाले वैकल्पिक मार्ग छहरे-टोखा प्रयोग गर्न सार्वजनिक सूचना जारी गरेको हो ।

यही असार २६ गते बुधबारदेखि साउन ९ गतेसम्म दैनिक रूपमा बेलुकी १० बजेबाट बिहान ३ बजेसम्म बाटो बन्द हुने सडक डिभिजनले जनाएको छ । अत्यावश्यक सवारीसाधन भने गुड्न दिइने डिभिजनले प्रकाशित सूचनामा भनेको छ ।