रामेछाप सुमो दुर्घटना: एकको मृत्यु, ७ घाइते

रामेछाप,असार २६ । रामेछापको मन्थली नगरपालिका –७ भटौलीमा सुमो दुर्घटना हुँदा एक जनाको मृत्यु भएको छ । ७ जना घाइते भएका छन् ।

मङ्गलवार साँझ रामेछाप सदरमुकाम मन्थलीबाट खाँडादेवी गाउँपालिका –९ पिङ्खुरी जाँदै गरेको प्र ३–०१–०२३ च ३९०९ नम्बरको सुमो मन्थली नगरपालिका –७ भटौलीको कल्लेरीमा दुर्घटना भएको हो ।

मन्थली नगरपालिका –७ भटौली रोकेछापकी मैयाँ विकको घटना स्थलमै मृत्यु भएको स्थानीय सन्देश श्रेष्ठले जानकारी दिए । उनका अनुसार दुर्घटनामा घाइते भएका ८ जनाको स्थानीयले उद्धार गरी सदरमुकाम मन्थलीस्थित मन्थली अस्पताल पठाइएको छ । दुर्घटनाको थप विवरण आइसकेको छैन  ।