तोलामा ९०० रुपैयाँ घट्यो सुनको भाउ, आज कतिमा हुँदैछ किनबेच ?

साताको तेस्रो कारोबार दिन सुनको भाउ सस्तिएको छ । मंगलबार नेपाली बजारमा छापावाला सुनको भाउ तोलामा ९०० रुपैयाँले घटेको हो ।

सोमबार १ लाख ४५ हजार रुपैयाँमा खरिदबिक्री भएको थियो । अघिल्लो दिन अर्थात् गत आइतबार भने १ लाख ४५ हजार ४०० रुपैयाँ पुगेर सुनको भाउ नयाँ रेकर्ड कायम गरेको थियो । तर, आज भने घटेर १ लाख ४४ हजार १०० रुपैयाँ कायम भएको नेपाल सुनचाँदी व्यवसायी महासंघले जनाएको छ।

महासंघका अनुसार आजका लागि तेजावी सुनको मूल्य भने १ लाख ४३ हजार ४०० रुपैयाँ तोकिएको छ।

यस्तै, मंगलबार चाँदीको मूल्य पनि घटेको छ । आज तोलामा ५ रुपैयाँ घटेर १ हजार ८८५ रुपैयाँ कायम भएको छ । सोमबार चाँदी १ हजार ८९० रुपैयाँ खरिदबिक्री भएको थियो ।