फेरि बढ्यो सुनचाँदीको भाउ, आज प्रतितोला कतिमा हुँदैछ किनबेच ?

काठमाडौं,असार १९ । बुधवार सुनको भाउ वृद्धि भएको छ । साताको चौंथो कारोबार दिन छापावाला सुनको भाउ तोलामा ४०० रुपैयाँ बढेको हो ।

अघिल्लो दिन अर्थात् मंगलबार १ लाख ४२ हजार ३०० रुपैयाँमा किनबेच भएको थियो । तर, आज बढेर १ लाख ४२ हजार ७०० रुपैयाँ कायम भएको छ ।

नेपाल सुनचाँदी व्यवसाय महासंघका अनुसार आजका लागि तेजावी सुनको भाउ १ लाख ४२ हजार रुपैयाँ तोकिएको छ । तेजावी सुन मंगलबार १ लाख ४१ हजार ६०० रुपैयाँमा किनबेच भएको थियो ।

यस्तै, आज चाँदीको मूल्य पनि वृद्धि भएको छ । आज चाँदी तोलामा २० रुपैयाँ बढेर १ हजार ८२५ रुपैयाँ कायम भएको छ।