रौतहटमा बस दुर्घटनाः एकको मृत्यु, दर्जन बढी घाइते

रौतहट,असार १५ । रौतहटमा यात्रुवाहक बस दुर्घटना हुँदा एकजनाको मृत्यु भएको छ भने १३ जना घाइते भएका छन्।

आज सदरमुकाम गौरबाट चन्द्रनिगाहपुरतर्फ जाँदै गरेको ना७ख ८४१४ नम्बरको बस जयनगर चोकमा अनियन्त्रित भई पल्टिएको हो। घाइतेमा महिला र बालबालिकाको संख्या बढी छ।

द्युर्घटनामा माधव नारायण नगरपालिका–३ भेलही गाउँकी १८ वर्षीया नेहा गिरीको मृत्यु भएको प्रहरीले जनाएको छ। गिरीको घटनास्थलमै मृत्यु भएको प्रहरीको भनाइ छ।

घाइते १३ जनामध्ये एक जनाको अवस्था गम्भीर रहेको प्रहरीले जनाएको छ।