ह्वात्तै घट्यो सुनचाँदीको भाउ, आज कतिमा हुँदैछ कारोबार ?
काठमाडौं,असार ९ । सुनको भाउ ह्वात्तै घटेको छ । साताको पहिलो कारोबार दिन छापावाला सुनको भाउ प्रतितोला २ हजार ७०० रुपैयाँले घटेको हो ।
गत शुक्रबार १ लाख ४४ हजार ७०० रुपैयाँमा खरिदबिक्री भएको थियो । तर, आज घटेर १ लाख ४२ हजार रुपैयाँ कायम भएको छ।
नेपाल सुनचाँदी व्यवसायी महासंघका अनुसार आइतबारका लागि तेजावी सुनको मूल्य भने १ लाख ४१ हजार ३०० रुपैयाँ कायम भएको छ । गत शुक्रबार भने यस्तो सुन १ लाख ४४ हजार रुपैयाँमा किनबेच भएको थियो ।
यस्तै, आज चाँदीको मूल्य पनि तोलामा ५० रुपैयाँले घटेको छ । अघिल्लो दिन १ हजार ८६५ रुपैयाँमा खरिदबिक्री भएको चाँदी आज भने १ हजार ८१५ रुपैयाँ कायम भएको छ।