लिखुको एक विद्यालयलाई हातेमालो मानव सेवा समाजको शैक्षिक सामग्री सहयोग
नुवाकोट,असार ४ । जिल्लाको लिखु गाउँपालिका वडा नम्बर ६ मा रहेको सिद्धि गणेश आधारभूत विद्यालयलाई हातेमालो मानव सेवा समाजले शैक्षिक सामग्री प्रदान गरेको छ ।
आइतबार विद्यालयमा एक कार्यक्रमका बीच सो संस्थाले शैक्षिक सामग्री प्रोजेक्टर, सेतोपाटी, विद्यार्थीलाई ट्याक्टसुट लगायतको विविध सामग्री प्रदान गरेको हो।
टिकटकबाट जोडिएका सामाजिक मन भएका ब्यक्तिहरुको संस्था हातेमालो मानव सेवा समाजले गरेको कार्यमध्ये यस कार्यक्रम शैक्षिक क्षेत्रमा पहिलो भएको समाजका अध्यक्ष संजय श्रेष्ठले बताए ।
कार्यक्रम बोल्दै लिखु गाउँपालिकाका अध्यक्ष ध्रुव श्रेष्ठले सामाजिक कार्यमा लागेर घाटा नभई देश विदेश परिचित हुने भएकाले नाफा हुने बताए । कार्यक्रममा अध्यक्ष श्रेष्ठले लिखु गाउँपालिकाले यस वर्षको बजेटमा सामुदायिक विद्यालयलाई विद्यालय बस सञ्चालनार्थ बजेट व्यवस्थापन गर्ने तयारी गरेको बताए ।
कार्यक्रमको पूरा भिडियो हेर्नुहोस