युवा तथा जलवायु कार्य सम्मेलन २०२४ सम्पन्न
काठमाडौं,असार १ । युवा तथा जलवायु कार्य सम्मेलन २०२४ सम्पन्न भएको छ । ब्रिटिस काउन्सिलको आयोजनामा भएको उक्त सम्मेलन गत सोमवार सम्पन्न भएको हो ।
हरित अर्थतन्त्र र जलवायु कार्य प्रवद्र्धनका लागि उक्त सम्मेलन गरिएको ब्रिटिस काउन्सिलले जारी गरेको प्रेस विज्ञप्तिमा उल्लेख छ ।
सम्मेलनअन्तर्गत जलवायु परिवर्तनसँग सम्बन्धित चुनौती र अवसरहरूबारे छलफल गरिएको थियो । सम्मेलनअन्तर्गत नेपाली युवा तथा जलवायु कार्य – धारणा, आकांक्षा र बुझाइ अध्ययन प्रतिवेदन सार्वजनिक गरिएको थियो । उक्त अध्ययन प्रतिवेदनमा जलवायु परिवर्तन र अन्य विश्वव्यापी चुनौतीहरूबारे युवाको बुझाइ र जलवायु कार्यमा नेतृत्वको लागि उनीहरूको तयारीबारे उल्लेख छ । साथै नेपालमा जलवायु कार्यमा युवाको सहभागिता बढाउन सुझाव समेत दिएको छ ।
सम्मेलन यही जेठ २१ गते उद्घाटन गरिएको थियो ।