क्याम्पसका प्रमुखमाथि गोली प्रहार
बारा,जेठ ३२ । राजाराम मोहन बहुमुखी क्याम्पस कलैयाका प्रमुख रविभुषण प्रसाद कुशवाहामाथि अज्ञात समूहले गोली प्रहार गरेको छ।
शुक्रबार साँझ करिब साढे ५ बजे बाराको आदर्श कोतवाल गाउँ पालिका–३ बातरा हुँदै मोटरसाइकलमा कलैया आउने क्रममा अज्ञात समूहले उनलाई पछाडिबाट गोली हानेको प्रहरीले बताएको छ।
गोलीबाट गम्भीर घाइते कुशवाहाको वीरगंज स्थित नेपाल मेडिसिटी अस्पतालमा उपचार भइ रहेको बाराका प्रहरी उपरीक्षक महेन्द्र खड्काले जानकारी दिए । घटनाको अनुसन्धान भैरहेको बताइएको छ ।