वडाध्यक्षको निधन

ओखलढुंगा,जेठ ३१ । ओखलढुङ्गाको मोलुङ गाउँपालिका-५ का वडाध्यक्ष गोपीकृष्ण कार्कीको निधन भएको छ । वडाध्यक्ष तथा नेपाली काँग्रेस मोलुङ गाउँपालिकाका सभापति कार्कीको बुधबार राति शिक्षण अस्पताल महाराजगन्ज काठमाडाैंमा ५१ वर्षको उमेरमा निधन भएको हो ।

पारिवारिक स्रोतका अनुसार घुँडामा क्यान्सर भएपछि वडा अध्यक्ष कार्कीको विगत तीन महिनादेखि अस्पतालमा उपचारत थिए । वडाध्यक्ष कार्कीको निधन मोलुङ गाउँपालिकाले पालिकाभर बिहीबार शोक बिदा दिएको छ ।

गाउँपालिकाले एक सूचना जारी गर्दै वडाध्यक्ष कार्कीको निधनमा पालिकाका सरकारी कार्यालय र शिक्षण संस्थामा शोक बिदा हुने जनाएको छ ।