दश लाख रुपैयाँ ठगेको आरोपमा नुवाकोट शिवपुरी र दुप्चेश्वरका युवासहित तीन जना पक्राउ
नुवाकोट,जेठ ३०। लाइट स्टोन’ देखाएर १० लाख रुपैयाँ ठगी गरेको आरोपमा प्रहरीले नुवाकोटका दुईजनासहित तीनलाई पक्राउ गरेको छ ।
पक्राउ पर्नेमा नुवाकोटको शिवपुरी गाउँपालिका वडा नम्बर ३ घर भई सितापाइला बस्ने ४२ वर्षीय दिल बहादुर दमाई र दुप्चेश्वर गाउँपालिका वडा नम्बर ५ घर भई हाल दधिकोट बस्ने ३३ वर्षीय सुनिल तामाङ रहेका छन् ।
उनीहरुसँगै दोलखा भिमेश्वर नगरपालिका-६ घर भई चन्द्रागिरी बस्ने ३७ वर्षीय अम्मर बहादुर तामाङलाइ समेत समातिएकाे छ ।
पक्राउ परेका उनीहरूको साथबाट प्रहरीले ४ वटा विभिन्न सकम्पनीका मोबाइल, विभिन्न बैंकको चेकबुक बरामद गरेको छ ।
पक्राउ परेका उनीहरूलाई थप अनुसन्धान तथा कारबाहीका लागि प्रहरी वृत भक्तपुरमा पठाइएको छ ।