एमाले नुवाकोटको अध्यक्षमा मैनाली निर्वाचित

नुवाकोट,जेठ २५ । नेकपा एमाले नुवाकोट जिल्लाको आठौँ जिल्ला अधिवेशन सम्पन्न भएको छ । अधिवेशनले बद्री मैनालीको नेतृत्वमा नयाँ कार्यसमिति समेत चयन गरेको छ ।  शुक्रबार सम्पन्न अधिवेशनमा मैनालीले ३४५ मत हात पारेका छन् भने उनका प्रतिस्पर्धी बुद्धिबहादुर प्रधानले २३७ मत मात्र पाएका छन् ।

त्यस्तै अध्यक्षका अर्का प्रतिस्पर्धी उम्मेदवार माधवप्रसाद तिवारीले १० मत मात्र पाएका छन।त्यसैगरी  उपाध्यक्ष राजेन्द्ररमण खनाल निर्वाचित भएका छन् । उनले ३४७ मत हासिल गरेका छन् भने उनका प्रतिस्पर्धी सुदर्शन नेपालले २४५ मत मात्र पाएका छन् ।

सचिवमा शिव चित्रकार, उपसचिवमा राजेन्द्रप्रकाश पाण्डे, महिला उपसचिवमा रुपा सापकोटा निर्वाचित भएका छन् ।