झापामा भएको सवारी दुर्घटनामा दुई जनाको मृत्यु
झापा,जेठ २४ । झापा मेचीनगर नगरपालिका –१२ माथिल्लो धाइजनस्थित मेची राजमार्गमा स्कुटी दुर्घटना हुँदा दुई जनाको मृत्यु भएको छ ।
मृत्यु हुनेमा स्कुटी चालक झापा बुद्धशान्ति गाउँपालिका –५ बस्ने अन्दाजी वर्ष २५ का लिलाप्रसाद ढुंगेल र सोही स्कुटीमा पछाडि सवार ईलाम रोङ गाउँपालिका वडा –५ बहुवन बस्ने अन्दाजी बर्ष २९ का चेतन रिजाल रहेका छन् ।
बुधवार राति १०.४५ बजेको समयमा मेचीनगर नगरपालिका –१२ माथिल्लो धाइजनस्थित मेची राजमार्गमा चारआलीबाट बुधबारेतर्फ जाँदै गरेको मे ७ प ७२८३ नम्वरको स्कुटीले हाइवेको बाँया साइडमा बिग्रिएर रोकिराखेको को १ च ७२६४ नम्वरको बोलेरो पिकअपलाई ठक्कर दिइ दुर्घटना भएको हो ।
दुर्घटनामा घाइते भएका दुवैलाई बीएण्डसी अस्पताल बिर्तामोड लैजानासाथ राति ११ बजे चिकित्सकले दुबै जनालाई मृत घोषणा गरेका थिए ।