सुजुकीको शोरुम भरतपुरमा

चितवन,जेठ ८ । सुजुकी गाडीको नयाँ शोरुम भरतपुरमा सञ्चालनमा आएको छ । सिजी होल्डिङ्सको अटोमोटिभ डिभिजन सिजी मोटोकर्पले चितवनको लागि साध्वी इन्टरनेशनलमार्फत सुजुकीको आधिकारिक डिलर सञ्चालनमा ल्याएको हो ।

सिजी मोटोकर्पका निर्देशक सिरज पन्तले ग्राहकको आवश्यकता र मागअनुसार भरतपुरमा शोरुम सञ्चालनमा ल्याइएको बताए ।

साध्वी इन्टरनेशनलका निर्देशक सुरज जोशीले शोरुममा टेष्ट राइड, एक्स्चेञ्ज, फाइनान्सका सुविधाका साथै शोरुम उद्घाटनको अवसरमा सेल्स, सर्भिसमा आकर्षक सुविधा दिइने बताए । कम्पनीले सुजुकीका जिम्नी, ग्रायण्ड भितारा, इरटिगा, ब्रिजा, फ्रन्क्स, स्वीफ्ट, सेलेरियो, वागन आर, इकोन भ्यान एण्ड कार्गो मोडलका गाडी विक्री गर्दै आएको छ ।